Ókei hér koma leiðbeiningar fyrir geðveiku cold brew kaffi sem þarf ekki dýrar græjur til að búa til.
Hlutfallið eru 230g af vatni á móti hverjum líter af vatni. Hafa þarf í huga að það sem þú færð á endamum er kaffiþykkni sem má annað hvort drekka beint eða útþynnt í helmingum á móti kaldri mjólk eða heitu vatni. Besta leiðin til að brugga kaffið er í stórri krukku, en það sem skiptir höfuðmáli edr að ílátið sé úr gleri en ekki plasti. Það er einnig gífurlega mikilvægt að skola öll ílát með heitu eða sjóðandi vatni áður en bruggað er til að koma í veg fyrir vöxt gerla.
Passa þarf að ílátin séu orðin köld uns byrjað er að brugga því cold brew ferlið veltur allt á því að kaffið kemst aldrei í snertingu við hita meðan bruggað er.
Höfundur bruggar í stórri krukku (#1) og geymir kaffið í minni krukku (#2).
- Malaðu kaffið örlítið grófara en þú myndir fyrir pressukönnu. Kaffið skal hafa álíka áferð og gróf brauðmylsna.
- Bættu kaffinu út í bruggunarílátið þitt og helltu köldu vatni yfir kaffið hægt og í sammiðja hringi.
- Þegar þú hefur hellt öllu vatninu yfir er gott að nota brauðhníf til að koma öllum korginum undir vatnsyfirborðið.
- Lokaðu ílátinu og leggðu inn í ísskáp til bruggunar í 12 klukkustundir.
Nú er komið að aðal mausinu.
Byrjaðu á að hella kaffinu ofan í gegn um venjulegt eldhússigti og ofan í stóra skál. Það er gífurlega mikilvægt að þú skilur grófa korginn eftir í botninum á bruggunarkrukkunni. Að þessu loknu skaltu bleyta eldhúspappír og leggja ofan í sigtið. Leggðu sigtið ofan á krukkuna sem þú hyggst geyma kaffið í og síaðu loks kaffivökvann í gegn um það. Kaffið lekur ágætlega hægt í gegn um eldhúspappírinn og því þarftu líklegast að gera þetta í nokkrum skömmtum.
Nú eru margar leiðir til að neyta nýja kaffisins þíns. Höfundur mælir með að drekka það 50/50 á móti mjólk í glasi með fullt af ísmolum. Einnig er hægt að drekka það dry á ís eða blandað 50/50 á móti heitu vatni.
