Versus de Pasione

gistfile1.tex

Versus de Passione D.N.J.C.

Amíci mei et próximi mei: * advérsum me appropinquavérunt et stetérunt.

Tráditus sum et non egrediébar:* óculi mei languérunt præ inópia.

Et factus est sudor meus: * sicut guttæ sánguinis decurréntis in terram.

Circumdedérunt me canes multi:* concílium malignántium obsédit me.

Corpus meum dedi percutiéntibus:* et genas meas velléntibus.

Fáciem meam non avérti ab increpántibus: * et conspuéntibus in me.

Quóniam ego in flagélla parátus sum: * et dolor meus in conspéctu meo semper.

Mílites plecténtes corónam de spinis: * imposuérunt super caput meum.

Fodérunt manus meas et pedes meos: * et dinumeravérunt ómnia ossa mea.

Et dedérunt in escam meam fel: * et in siti mea potavérunt me acéto.

Omnes vidéntes me derisérunt me: * locúti sunt lábiis et movérunt caput.

Ipsi vero consideravérunt et inspexérunt me:* divisérunt sibi vestiménta mea, et super vestem meam misérunt sortem.

In manus tuas comméndo spíritum meum: * redemísti me, Dómine, Deus veritátis.

\textit{Hic Chorus replicábit:} 

In manus tuas, etc.

Meménto famulórum tuórum, Dómine: * dum véneris?venéris in regnum tuum.

Iesus autem emíssa voce magna: * trádidit spíritum.

Misericórdias Dómini:* in ætérnum cantábo.

Vere languóres nostros ipse tulit: * et dolóres nostros ipse portávit.

Ipse autem vulnerátus est propter iniquitátes nostras: * attrítus est propter scélera nostra.

Omnes nos quasi oves errávimus: * unusquísque in viam suam declinávit.

Et pósuit in eo Dóminus: * iniquitátes ómnium nostrum.

Exsúrge, quare obdórmis, Dómine? * exsúrge, et ne repéllas in finem.

\textit{Hic Chorus replicábit:} 

Exsúrge, quare obdórmis, etc.

\textit{Et Cantor subsequétur:} 

Exsúrge, quare obdórmis, etc.

Ecce Deus Salvátor meus: * fiduciáliter agam et non timébo.

Те ergo, quǽsumus, tuis fámulis súbveni?subvéni: * quos pretióso sánguine redemísti.

\textit{Hic Supérior dicit:} 

V. Miserére nostri, Iesu benígne.

\textit{Et Chorus:} 

R. Qui passus es cleménter pro nobis.

Réspice, quǽsumus, Dómine, super hanc famíliam tuam, pro qua Dóminus noster Iesus Christus non dubitávit mánibus tradi nocéntium, et crucis subíre torméntum.