nokkur_log.md

Þrjú á pałli - Gilsbakkaþula

::Kátt er á jólunum::
::koma þau senn,::
::þá munu upp líta Gilsbakkamenn::

::úti sjái þeir stúlku::
::sem um talað varð::
::"Það sé ég hér ríður hún Guðrún mín um garð"::
  
::Kom þú sæl og blessuð::
::keifaðu inn::
::kannski þú sjáir hann afa þinn::

::kannski þú sjáir::
::afa og ömmu þína hjá::
::þínar fjórar systur og bræðurna þrjá::

::Jón fer að skenkja::
::ekki er það spé::
::sírópið, mjólkina, sykur og te::

::glösin og skálarnar::
::ganga um kring::
::gaman er að koma á svoddan þing::

Ljóðin eru þrotin og lifið þið vel
lif-ið þið vel

Sagan af Jesúi

Það var um þetta leyti
þarna suðurfrá í miðausturlöndum.
Þar var ungt par á ferli,
konan kasólétt, þeim var vandi á höndum.
Öll mótelin voru upptekin
og yfirbókuð gistiheimilin.
Og þannig byrjaði sagan af því
þegar hann Jesús kom heiminn í.

Þau létu fyrirberast
inni í fjárhúsi með ösnum og kindum.
En það var ósköp kósí,
ekki ósvipað gömlum Biblíumyndum.
Þar kom í heiminn mannkyns von,
hinn kunni Jesús Kr. Jósepsson,
hann endaði í jötunni
beint undir Betlehemsstjörnunni.
Og þannig hljómar nú sagan af því
þegar hann Jesús kom heiminn í.

Hallelúja.
Og þannig hljómar nú sagan af því
þegar hann Jesús kom heiminn í.

Svo ráku inn nefið vitringar
sem fyrir rælni voru staddir þar.
Þeir óðu inn með gras og gull
og eitthvað óríental jurtasull.
Ó, Jósep sendi SMS,
Ó, María var bara furðu hress.
Ó, barnið lá og snuðið saug
með bros á vör og soldinn geislabaug.
Og þannig endar nú sagan af því
þegar hann Jesús kom heiminn í.

Já, þannig hljómaði sagan af því
þegar hann Sússi kom heiminn í.
Þið ráðið sjálf hvort þið trúið því.
Aaaaaaaamen.

Léttur yfir jólin

Hann Jón okkar granni er jólasveinn víst
þó Jón sé ei glaðlyndur oft.
Í brjóstunum hátíð svo heiftarleg brýst
að hann fer bara allur á loft.
laralala - Jón á jólum
er Jón sem er á hjólum.
laralala - Jafnvel konuna kyssir þá.
Kátur yfir jólin.

Og þá vill ei herra sjá hamsa og tros
sem hakkar hann árið um kring.
En steikur og rauðkál og rauðvín og bros
og risnu og gjafir og swing!
laralala - Í sig treður.
Alveg í munaði veður.
laralala - Lyftir glasi og gerist hýr.
Glaður yfir jólin.

Og dýrustu gjafir hann börnunum ber
því barnanna hátíð er víst.
En flaskan hans prúða í ísskápnum er
og oft hana að finna karl skýst.
laralala - Kertin glansa,
karl fer um tréð að dansa.
laralala - Lengi krakkana leikur við.
Ljúfur yfir jólin.

Er krakkarnir hátt og konan í ró
með kerlingajólabók fer,
er Jón enn á stjái því Jón fær ei nóg
af jólunum, gleði og sér.
::
laralala - Koma dagar,
karl þegar samviskan nagar.
laralala - Lengi dreymir því ljúfa stund.
Léttur yfir jólin.
::