lipu musi pona li musi tawa jan musi tu.
ona tu li wile jo e kiwen lili lon luka. nanpa pi kiwen lili li mute la musi ni li wile e tenpo mute.
sitelen li lon lipu selo wan:
- pipi
- kala
- waso
- akesi
- soweli
- jan
- jan utala
- jan lawa
- mun
- suno
- jan sewi
kiwen lili li lon supa musi.
ona li lukin ala la jan musi li jo e lipu lon luka ona. taso lipu wan li awen lon supa musi. jan musi li jo e lipu pi nanpa sama.
jan musi li pana e lipu wan lon supa. taso jan ala li lukin e sitelen. ona li nanpa: "ala, wan, tu". ona li kama lukin li sitelen ona.
lipu li anpa e lipu ante:
- pipi li ike e soweli e jan e jan utala e jan lawa.
- kala li moku e pipi.
- waso li moku e pipi e kala.
- akesi li moku e waso e kala e pipi li pana e pilin ike tawa jan lawa.
- soweli li moku e akesi e waso e kala.
tenpo ni la jan musi pi lipu suli li kama jo e kiwen lili wan.
- jan li alasa e soweli e waso e akesi e kala.
- jan utala li alasa e soweli e waso e akesi e kala li moli e jan.
- jan lawa li moku e soweli e waso e kala li lawa e jan e jan utala.
- pipi en kala en waso en akesi en soweli en jan ale li lape tan mun.
- suno li seli e pipi e kala e waso e akesi e soweli e jan ali. mun li tawa tan suno.
- jan sewi li wawa mute. ale ante li wawa lili.
tenpo ni la jan musi pi lipu suli li kama jo e kiwen lili tu.
lipu li lon ala luka pi jan musi la ona li ken musi sin.
kiwen lili lon ala la musi li pini.