challenge-april-2022.md

Note: This challenge is obsolete

📃 დავალების აღწერა

შესავალი

Optio.Ai ქართული ფინტექ სტარტაპია, რომელიც ბანკებს დიდი მონაცემების (Big Data) სწრაფი კონსოლიდაციის, აგრეგაციის, ანალიზის და მონაცემებზე დაფუძნებული გადაწყვეტილებების მიღების საშუალებას აძლევს მანქანური სწავლებისა და ხელოვნური ინტელექტის გამოყენებით.

ამოცანა

შენი ამოცანაა დაეხმარო Optio.Ai პლატფორმის მომხმარებელს და აჩვენო აგრეგირებული მონაცემები სხვადახვა ჭრილში. ამისათვის საჭიროა შექმნა ორი გვერდი, დეშბორდი და ცხრილი, რომლისთვისაც მონაცემებს აიღებ Optio.Ai-ს სატესტო API-დან. ქვემოთ მოცემულია თითოეული გვერდის დეტალური აღწერა და API სერვისის დოკუმენტაცია მაგალითებითურთ.

🛠️ API სერვისის დოკუმენტაცია

Optio.Ai-ის სატესტო API-ის ეს ორი მეთოდი საკმარისია ამოცანის შესასრულებლად:

1. /api/v2/analytics/transactions/facts/aggregate - აბრუნებს აგრეგირებულ ფაქტებს განზომილებებისა და ფილტრების მიხედვით;
2. /api/v2/analytics/transactions/facts/find - აბრუნებს ფაქტებს თითოეული თარიღისთვის, განზომილებებისა და ფილტრების მიხედვით.

პროგრამირების დაწყებამდე Swagger-ით შეგიძლია გამოსცადო API-ს ფუნქციონალობა ამ მისამართზე: https://api.next.insight.optio.ai/api/docs/analytics

📊 დეშბორდის გვერდი

ანალიტიკურ დეშბორდზე უნდა განათავსო სამი გრაფიკი და ერთი ცხრილი

ხარჯების კატეგორიები და განაწილება

აღწერა: გრაფიკზე ჩანს ყველა კლიენტის ჯამური ხარჯის მოცულობა კატეგორიების მიხედვით.

გრაფიკის ტიპი: Donut Chart

API-ს მისამართი: /…/facts/aggregate

API-ს პარამეტრები:

{
  "dimension": "parent-category",
  "types": [
    "spending", "withdrawal"
  ],
  "gteDate": "2018-01-01",
  "lteDate": "2018-01-31",
  "includeMetrics": [
    "volume"
  ]
}

ხარჯვის ინტენსივობა დღეების მიხედვით

აღწერა: გრაფიკზე ჩანს ყველა კლიენტის ჯამური ხარჯის მოცულობა ან ტრანზაქციების რაოდენობა, დღეების მიხედვით. მომოხმარებელს უნდა შეეძლოს აირჩიოს თანხის მოცულობის დათვალიერება უნდა თუ ტრაზაქციების რაოდენობის.

გრაფიკის ტიპი: Heatmap

API: /…/facts/aggregate

API-ს პარამეტრები:

{
  "dimension": "date",
  "types": [
    "spending", "withdrawal"
  ],
  "gteDate": "2018-01-01",
  "lteDate": "2018-01-31",
  "includeMetrics": [
    "volume", "quantity"
  ]
}

შემოსავლების კატეგორიები თარიღების მიხედვით

აღწერა: გრაფიკზე ჩანს ყველა კლიენტის შემოსავლების ჯამური მოცულობა კატეგორიების და თარიღების მიხედვით.

გრაფიკის ტიპი: Line Chart

API-ს მისამართი: /…/facts/find

API-ს პარამეტრები:

{
  "dimension": "category",
  "types": [
    "income"
  ],
  "gteDate": "2018-01-01",
  "lteDate": "2018-01-31",
  "sortBy": "date",
  "sortDirection": "asc",
  "pageIndex": 0,
  "pageSize": 50,	
  "includes": ["dimension", "date", "volume"]
}

გაითვალისწინეთ, რომ find-ის API-ის აქვს გადაფურცვლის (paging) მხარდაჭერა. შესაბამისად, იმდენჯერ მოგიწევთ ფუნქციის გამოძახება, სანამ არ წამოიღებთ ყველა ჩანაწერს ფილტრებით.

ცხრილი - პოპულარული მერჩანტები

აღწერა: ეს არის ცხრილი, სადაც ჩანს 20 ყველაზე პოპულარული ობიექტი (მერჩანტი), რომლებშიც ბანკის კლიენტებმა ჯამურად ყველაზე მეტი თანხა დახარჯეს
გრაფიკის ტიპი: ჩვეულებრივი ცხრილი

API-ს მისამართი: /…/facts/aggregate

API-ს პარამეტრები:

{
  "dimension": "merchant",
  "types": [
    "none"
  ],
  "gteDate": "2018-01-01",
  "lteDate": "2018-01-31",
  "includeMetrics": [
    "volume"
  ]
}

გაითვალისწინეთ, რომ API დააბრუნებს დაუსორტირებელ ყველა მერჩანტს. შესაბამისად თქვენ მოგიწევთ დაასორტიროთ კლებადობით ‘volume’ ველის მიხედვით და აჩვენოთ Top 20 ჩანაწერი.

🌍 ცხრილის გვერდი

ამ გვერდზე, ცხრილის სახით უნდა გამოჩნდეს ის მონაცემები, რაზეც შესაბამისი გრაფიკია დაფუძნებული. ცხრილი შედგება 7 სვეტისგან:

• Dimension
• Date
• Quantity
• Volume (GEL)
• Average (GEL)
• Difference quantity
• Difference volume

ცხრილი უნდა აკმაყოფილებდეს შემდეგ მოთხოვნებს: \

• მომხმარებელს უნდა შეეძლოს სხვადასხვა თარიღობრივი შუალედის არჩევა
• მომხმარებელს უნდა შეეძლოს ცხრილის გადაფურცვლა (Paging) და ფურცელზე ჩანაწერების რაოდენობის მითითება (Page Size)
• მომხმარებელს უნდა შეეძლოს ცხრილის სორტირება ნებისმიერი ველით
• ბმულის კოპირება და თავიდან გახსნა უნდა იწვევდეს იგივე ინტერფეისის ჩატვირთვას, იგივე მონაცემებით

გვერდების სამომხმარებლო ინტერფეისი (UI) და სამომხმარებლო გამოცდილება (UX) შენი გემოვნებით და შეხედულებით შეიმუშავე, თუმცა სასურველია Responsive ინტერფეისები.

API-ს მისამართი: /…/facts/find

გრაფიკის ტიპი: ჩვეულებრივი ცხრილი

API-ს პარამეტრები: გამომდინარე იქიდან რომელი გრაფიკის დეტალებს გახსნით, უნდა გადმოსცეთ იგივე “dimension” და “types” პარამეტრები. დანარჩენი პარამეტრები შეიცვლება იმის მიხედვით თუ რითი დაასორტირებს ცხრილს ან გადაფურცვლის რა პარამეტრებს დააყენებს მომხმარებელი.

თუ დაგაინტერესებს შეგიძლია გაეცნო ანალიტიკის მოდულის განმარტებებს, რომელსაც ამ დავალებაში ვიყენებთ.

🛠️ გამოყენებული ტექნოლოგიები/კომპონენტები

ამოცანის გადაწყვეტა საჭიროა Angular-ის გამოყენებით, ხოლო გრაფიკებისა და ვიზუალიზაციისათვის გამოიყენე Apache Echarts ბიბლიოთეკა.

📧 დავალების მოწოდება და შეფასების კრიტერიუმები

ჩვენ ვეძებთ ახალგაზრდებს, რომლებიც ახლა იწყებენ პირველი კარიერული ნაბიჯების გადადგმას და გადაწყვეტილი აქვთ, რომ პროგრამირება მათი მთავარი პროფესიული საქმიანობაა.

ჩვენს გუნდში უკვე არიან შენნაირი დამწყები პროგრამისტები. მათ ყავთ საქართველოში ერთ-ერთი საუკეთესო მენტორი, რომელიც უზრუნველყოფს შენს პროფესიულ განვითარებას და დაგეხმარება შეისწავლო:

• პროგრამირება Javascript/Typescript/Angular/NodeJS ენების და ტექნოლოგიების გამოყენებით;
• Clean code-ის სტანდარტები;
• Git-თან მუშაობის საუკეთესო პრაქტიკა;
• კომპლექსური სისტემების არქიტექტურა;
• გუნდური მუშაობა;
• ავტომატური ტესტირება.

ჩვენთვის მნიშვნელოვანია ვიპოვოთ ცნობისმოყვარე, სწავლაზე და შრომაზე ორიენტირებული ადამიანები, რომლებიც გაივლიან ანაზღაურებად სტაჟირებას და წარმატებული სტაჟირების შემთხვევაში დასაქმდებიან ჩვენს კომპანიაში.

ამოცანის შესრულებისას ყურადღებას მივაქცევთ რამდენად სწორად არის გაგებული და შესრულებული ამოცანის მოთხოვნები და რამდენად არის დახარჯული დრო კოდის ხარისხზე, თუმცა შეზღუდული არ ხარ მხოლოდ ამოცანის მოთხოვნებით და ნებისმიერი დამატება და გაუმჯობესება მისასალმებელია.

⚠️ შესრულებული ამოცანის მოწოდების ბოლო ვადაა 26.04.2022. შესრულებული ამოცანა ატვირთე github-ზე და რეპოზიტორის ლინკი, CV-თან ერთად გამოგვიგზავნე ელექტრონული ფოსტის მისამართზე: hr@optio.ai, სათაურით challenge-april-2022.

წარმატებებს გისურვებთ! 🎉🎉🎉

@VeronikaMi მადლობა, გავასწორეთ ხარვეზი

👍